MinoritettåskkooumažMinoritettåskkooumaž lij veʹrǧǧneʹǩǩ, koon tuâjjan lij ooudâsviikkâd naroodlaž minoriteett da ålggjânnamneeʹǩǩi status, õõutverddsažvuõđ da vuõiggâdvuõđstaan di šiõǥǥ naroodlaž kõskkvuõđid Lääʹddjânnmest. Minoritettåskkooumaž lij še meersaž ooumažkauppraportteei.
Minoritettåskkoummu beälla vuäitt ponnjlõõttâd håʹt mâka lij jiõččvuõttsânji tobddâm naroodlânji čårstmõõžž leʹbe lij mudoi vuäinnam tõn šõddâm. Čårstmâʹttʼtem-šõddâm diõtt leʹbe jeeʹres kõõččmõõžži diõtt vuäitt soiʹttjed minoritettåskkoummu konttra äʹsslaž-kääzzkâʹsttem päikka teʹlf. 071 878 8666 (arggân 10-12).
Minoritettåskkooumaž välvv õõutverddsažvuõđlääʹjj mieʹlddsa naroodla čårstmâʹttʼtemvuõđ teâuddjem da ålggjânnam vuõiggâdvuõđi teâuddjumuuzzâst. Minoritettåskkooumaž tuåimmai da vaaikad jeeʹres vueʹjjin naroodlaž čårstmâʹttʼtem cõggâm diõtt da õõutverddsažvuõđ ooudâsviikkâm diõtt da håidd aaʹššid ceälkkmuužžin da beäʹlest välddmuužžin čårstmâʹttʼtem diõtt.
Minoritettåskkoummu status lij pååđ, paaʹrtiteʹmes da tiuddvälddlaž. Vaaldšemvuõđeʹld minoritettåskkoummu koontâr lij sâjjdõttum siiʹsǩaaʹššiministeria õhttvuõʹtte. Minoritettåskkooumžen tuåimmai Eva Biaudet.
|
